陳法拉 呢位不老女神雖然已經係2位小朋友嘅媽咪，但凍齡外貌令佢成為新一代美魔女之一。法拉向來大方隨性，休息時間都會打扮樸素以素顏示人。
近日就有網民喺英國愛丁堡偶遇法拉，更成功同女神合照。該位網民形容法拉真人體態同少女一樣，自己之前已曾偶遇過法拉一次，當時覺得法拉真人同年齡不符，以為人有相似。呢次再遇法拉，網民就拎住喺網上Search到嘅相問法拉：「這個是不是你。」法拉承認後，二人就合影喇！
從相中可見，法拉雖然係素顏露臉，不過Keep得好好。有人質問該位網民點解唔為法拉美顏，網民就話：「沒有任何修改和濾鏡美顏 待會美顏了又有人說是ai生成，亦有好多人認為唔使美顏加工，法拉自自然然已經好靚女！
