YT周殷廷嘅形象向來率真親和，加上一向展現輕鬆又自信嘅態度，令佢成為唔少後生仔女嘅偶像。
日前YT為代言品牌拍攝全新一攝廣告短片同硬照，更一人分飾四角，以悠閑落街look開始，再變出三個唔同嘅自己。分別係同朋友一齊盡情跳舞玩樂最放鬆嘅狀態、著皮褸揸電單車最狂野嘅自己，以及喺舞台演唱嘅投入Mode。拍攝當日，YT頂住大太陽，以一身烈火戰車造型Chok爆登場，迷倒唔少途人！
YT就話，雖然好滿意自己嘅狂野造型，但最鍾意都係喺舞台高歌嘅自己，因為嗰一刻先係最爽嘅一刻！
YT周殷廷拍廣告化身狂野騎士 分演多角展多面百變形象
