佘詩曼 今年工作行程密密麻麻，無論拍劇定商演，檔期都排得滿滿噹噹！早前先完成《新聞女王2》拍攝嘅阿佘，一個轉身就去到馬來西亞出席活動，場面熱鬧墟冚，仲有7位保安組成人鏈護駕，就如女王出巡一樣，非常誇張！
不過阿佘一啲都冇架子，仲非常Nice，有網民仲喺社交平台分享喺機場偶遇阿佘一事。嗰位網民就話，當時喺馬來西亞機場偶遇阿佘，二人更同時步出安檢，網民話阿佘本人氣質超級好，超級瘦，更成功同阿佘合照。
從相中可見，著住露腰裝嘅阿佘身材Fit爆，打扮時尚休閒，真係好有少女感，駐顏有術嘅佢完全係一位凍齡美魔女！
