由 周吉佩 羅啟豪 譚輝智 黃劍文 同 谷婭溦 組成嘅呢「四王一后」，即將喺8月底於啟德體藝館合作開騷，呢日佢哋喺商場宣傳時，就透露正埋首於選歌階段，仲話要以性格決定以一個星球代表自己，而呢日分別介紹時，就已經火花十足喇，到時隨時會變成星球大戰呀。
吉吉被大家笑指係「咸金吉」之餘，仲話頭痛要為當日演出揀衫同揀結他喎。代表火星嘅溦溦，特意以紅色髮色現身宣傳，佢仲指自己一向被形容為辣椒仔，紅色啱晒。FC就話自己係土星代表，所以揀衫顏色都比較平實，之後仲討論起至大至快嘅就係Kimman代表嘅木星，講講吓都唔知講咗去邊。
好在有清泉水星Ramon，佢就話自己最近太陽，加上自己係暖男就啱晒。而FC仲聲稱自己為今次作定新歌，不過似乎都係講笑多過認真喎。
