黎展峰Andy 同 黃明德Dark 不時都一齊現身，呢日佢兩個又孖住現身中環busking，雖然炎熱嘅天氣令大家大汗疊細汗，但都冇阻fans到場支持佢哋。
自言今次係首次行上蘭桂坊嘅Dark，話估唔到第一次嚟就係嚟唱歌，佢又指由於呢日天氣好熱，早佢哋一步到場嘅crew，為咗set up好busking要用嘅器材，爭啲搞到中暑，所以真係辛苦晒大家。
由於Andy同Dark成日都孖住現身，令佢哋好似不成文嘅組合一樣，佢哋都話兩人越嚟越有默契，Dark就話同Andy同場合唱係最好嘅，因為佢哋冇咩相撞嘅地方，大家可以互補到對方。Andy早前啱啱同Aska張馳豪一齊開完騷，表示而家主力做自己嘅作品，不過佢話都想同多啲唔同嘅歌手crossover，笑言咁樣會令本身唔認識佢嘅人，多咗機會認識佢呀。
