林芊妤大肚派福利曬噴血泳衣相體重暴升接受不同階段自己

林芊妤（Coffee）早前分享懷上二胎好消息，雖然產檢報告曾出現問題，好在最後抽羊水報告顯示BB一切平安！ Coffee日前就同家人一齊出埠去越南旅行，更喺社交平台繼續大派福利曬出大肚三點式泳衣相。

Coffee已懷孕6個月，從相中可見佢身材仍然Fit爆，上圍更加豐滿，手腳仲係好纖幼。不過Coffee就話有預感自己陀呢胎會由48kg增磅增到70kg，聽朋友講醫生建議懷孕期間重10kg內會好啲，自己而家已過咗59kg。雖然面對體重上升，但Coffee心態仍然良好，「正努力接受不同階段嘅自己，好好享受放肆休息同放肆食嘢嘅時候」。