日本天后濱崎步相隔17年再到台灣開大型演唱會，步姐提前喺星期三（30號）晚抵台，為周末兩日嘅小巨蛋騷做準備！步姐一眾粉絲亦相當有心，300位歌迷帶同應援橫幅同手幅，早早喺機場守候偶像，
作為潮流教主嘅步姐以一身淺色牛仔裝，頭戴Cap帽搭配豹紋絲巾包頭現身，佢亦相當親民同大家打招呼、大合照。雖然因為安全考量，步姐喺機場停留一分鐘就上車離開，不過步姐就好貼心喺社交平台限時動態用英文自拍影片，多謝粉絲熱情接機。
步姐仲話，冇諗過會有比預期多嘅粉絲嚟接機，自己好想為大家簽名、合照，但因為安全考量做唔到，請大家見諒。呢趟旅程佢會搵機會做，請大家等等。雖然步姐笑容滿面現身，但日前佢先喺社交平台哀悼愛犬Oreo離世。
