戴夢夢於2021年宣布婚訊，與圈外人Kyle結婚，40歲夢夢已做人妻三年半，8月1日喺IG宣布陀B嘅喜訊。夢夢為咗懷孕打過三百針，終於造人成功，佢透露BB係IVF試管嬰兒，更分享孕照大曬幸福。
夢夢即將升呢為人母難掩喜悅：「我們終於由兩個人，變成三個人啦❤️❤️❤️這一刻，我真的好開心，也非常感恩上天賜給我們這份珍貴的禮物🎁這一路走來並不容易，經歷過無數次的努力與失敗，經歷過希望與失望，但我們一直沒有放棄，終於迎來這個奇蹟🥰。」
夢夢好感激喺人工受孕呢段日子，一直有家人及朋友支持，親友更心裡戥佢焦急，更有親友為佢拜神🙏或祈禱，令夢夢感到好窩心。
夢夢透露BB係IVF試管嬰兒，經歷過無數次努力與失敗先成功陀B，更為咗懷孕打過300，「關關難過關關過」，與醫生團隊一齊見證呢份幸福嘅來臨。夢夢開心準備做媽媽，亦希望蛇寶寶🐍平安健康成長，懷孕嘅過程亦令夢夢感受到做媽媽嘅偉大，生仔真係唔簡單。
「IVF 寶寶」係透過體外受精(In Vitro Fertilization) 輔助生殖技術，將卵子同精子喺實驗室中結合，形成胚胎後再植入女性子宮。