陳凱韻（甘比）日前與大女劉秀樺Josephine、倪晨曦Elva 及 國際時尚名人Jenny Tsang等出席護膚品牌活動。身為本地鈎織手作品牌 Happy Yarn 創辦人嘅甘比，表示女性嘅真正光芒係來自內心嘅力量同堅持：「當我哋懂得分享呢份光芒時，就可以感染更多人，令世界變得更美好。Happy Yarn這個品牌的設立，亦係希望家庭女性喺鈎織過程中搵到一份滿足感同成就感，發掘自己嘅獨特光芒，並將呢份光芒分享出去，帶嚟更多正能量。」
活動上，甘比分享自己嘅護膚心得，佢指平時會保持規律作息、多飲水，亦會透過鈎織嚟減壓，佢又指囡囡Josephine亦有向自己請教打扮及護膚心得。首次出席護膚品活動嘅Josephine，就興奮表示可以同媽咪一齊參加活動，見到媽咪同品牌嘅合作，睇到對方嘅用心，都令佢覺得好驕傲。
同場嘅三子之母Elva，就表示護膚唔只係女性專利，男仔亦應該學識保養皮膚，佢又指可能幾年後自己嘅囝囝都會開始關注自己嘅外表，所以到戈佢都會慢慢教囝囝們護膚嘅基本步驟。Elva指雖然而家生活上以家庭，但無論幾忙佢都會留返啲時間畀自己，平時會早啲起身，趁三個囝囝未起床嘅時間做瑜伽。
