汪明荃、白雪仙、陳寶珠、姜大衞、黑妹李麗霞、資深傳媒人汪曼玲、陳善之等，日前出席友人Lisa Ko嘅生日晚宴。晚宴筵開十席，高朋滿座非常熱鬧，Liza姐同汪曼玲都喺社交平台分享多張晚宴合照。
身穿深藍色長裙嘅Liza姐氣質高貴，心口嘅蝴蝶結裝飾亦好搶眼，佢同多位友人都有合照留念。從Liza姐同汪曼玲分享可見，已經年屆97歲嘅仙姐打扮得雍容華貴，非常精靈，氣息同精神狀態都同4月慶祝生日時無異。
Liza姐喺社交平台亦分享同好友相聚嘅開心心情，佢表示，大家都非常珍惜一年一年嘅聚會，在場嘅都係認識咗幾十年嘅朋友，所以喺聚會上互相問候之餘，都為會彼此送上一句：「祝身體健康！」
