兩女之母熊黛林44歲狀態一流 逆天長腿拍片橫掃99.9%網紅

模特兒出身嘅 熊黛林 雖然已係兩女之母，不過今年44歲嘅佢仍然保養一流，平時亦不時會拍片分享生活日常。近日內地社交平台又掀起一陣掃腿舞風潮，而得天獨厚有一對超長美腿嘅Lynn，亦同幾位男Dancer合作湊湊呢個網絡潮流。

身穿皮樓加上迷你皮裙再加高踭鞋嘅Lynn，同6位男舞者一齊型爆現身，隨住音樂擺動長腿，雖然只係短短廿多秒片段，不過就獲唔少朋友大讚，阿Lynn嘅超長美腿，成為男女Fans嘅焦點之餘，仲被網友搞笑指「姐的腿比我的命還長」，非常搞笑。