陳豪 拍攝完新劇《俠醫》之後趁暑假同太太 陳茵媺 (Aimee)以及三個仔女飛去加拿大旅行享受天倫樂。連日來Aimee已喺社交平台分享旅程嘅點滴，來自多倫多嘅Aimee呢次帶埋子女一家喺家鄉旅行，繼日前去咗滿地可感受文化氣色之後，陳氏一家又再轉移去到𣁽北克城。
魁北克市曾經係歐洲殖民者喺北美建立嘅最早城市之一，當地依然保留唔少法式風情。而陳氏一家就一探喺1985年被列入為聯合國世界文化遺產嘅𣁽北克舊城區。
阿Mo同Aimee嘆住咖啡漫步喺鋪滿鵝卵石、古色古鄉嘅街道，其中一張合照Aimee仲頭挨住阿Mo嘅肩膀相當小鳥依人。Aimee亦不忘貼文放閃，以英文話:「Cobblestone charm and French riverside romance , #Quebec City and you @moses_chan_ stole my heart. 💖 (鵝卵石的魅力和河畔法式浪漫 𣁽北克城還有陳豪你偷了我的心 )」 
阿Mo亦相當放鬆享受呢次難得嘅家庭旅行，見到佢未有剃鬚同Gel頭，著住輕便嘅白Tee，但不忘著上白色長褲襯返Aimee。陳氏夫婦自2013年結婚以來一直相當恩愛，阿Mo雖然係大忙，人但係每年4月都一定抽時間同太太慶生，6月時更貼出拖手相慶祝結婚12周年，至今依然甜蜜爆燈，陳氏夫妻雖然係老夫老妻，但係感情保鮮工夫做到足，可以話係圈中模範夫妻嘅天花板。
