夏韶聲（Danny Summer）一連兩場嘅演唱會，前晚喺紅館開鑼，不少圈中人送花籃致賀，更獲大批圈中人捧場，連日有唔少合作嘅圈中人前嚟支持，當中跟夏韶聲合作拍《鹿鼎記》嘅「徒弟」陳小春，仲有張家輝及關詠荷（Esther）都有現身睇騷。
張家輝、關詠荷同契爺胡楓一齊坐喺台下，當年胡楓、關詠荷與夏韶聲合作拍TVB劇集《開心華之里》，關詠荷同夏韶聲更喺劇中飾演相依為命嘅兄妹，有不少對手戲，難怪關詠荷都特意前嚟捧夏韶聲場，仲開心去埋後台祝賀夏韶聲演出成功。
TVB前藝人夏竹欣與老公黎偉諾喺網上分享合照，相中見佢同關詠荷撓手聚舊，原來二人喺2007年因拍處境劇《同事三分親》而經常相聚。穿上灰色衫，外搭淺藍色針織外套嘅關詠荷，皮膚緊緻、滿臉笑容，身型纖瘦，優雅氣質依舊，點睇都唔似已年屆61歲。
夏竹欣2001年藝員訓練班而入行，初期常飾演秘書、護士及丫鬟等角色，當日佢見到張家輝同好耐冇見嘅關詠荷，夏竹欣即刻開心攬住對方，關詠荷第一句就問「你係咪結咗婚呀」，而張家輝就搞笑問夏竹欣嘅老公，「佢做我丫鬟嘅時候你哋結咗未先」，夏竹欣留言表示：「😏 真係次次見親佢都畀佢笑死🤣🤣🤣 諗返起好多以前日日一齊拍《同事三分親》拍足364集嘅開心日子🤓好好玩，好多美好回憶❤️ 最開心係我讚佢好靚，佢話你都係啦，直頭係冇變過🤭😌🥰 嘩！妳咁讚我，真係好Happy Wor。」
現場演出片段： https://www.mytvsuper.com/tc/scoopplus/entertainment/e-news/15693954613707?special_scoopplus=less
此外，張家輝呢晚仲遇到陶大宇，見張家輝整個人靠向陶大宇，流露出開心到不得了嘅表情，就知二人相當老友！
