梁朝偉收特別版潮玩展童真笑容 劉嘉玲連發自拍興奮曬公仔

梁朝偉、劉嘉玲向來對藝術極有品味，近日偉仔就造訪喺全球掀起瘋狂熱潮嘅公仔「Labubu」創作者龍家昇嘅工作室，偉仔更罕面露童真笑容，拎住紀念港產大熊貓加加、得得一歲生日推出嘅特別版公仔同龍家昇合照。

愛妻嘅偉仔亦將呢隻特別版公仔轉送嘉玲，令嘉玲興奮到拎住公仔連發四張自拍，又喺社交平台寫：「Happy Birthday to the 🇭🇰 Panda Twins」。除咗公仔之外，嘉玲仲收到龍家昇親繪、寫有「To Carina」嘅畫作，令佢非常開心。