啱啱去完泰國曼谷度假嘅關楓馨，佢有份主持嘅節目《玩轉粵東粵北懶人包》而家就熱播中，代表「至醒隊」嘅Fabi，日前就喺社交平台大派福利，分享佢惹火嘅泳衣照以及短裙小背心相，盡顯美好身段。
去咗唔少打卡熱點嘅Fabi表示「喺呢個Trip至少有八個人幫我影過相，影咗真係有超過1000張!!!然後我好難先揀到呢啲出嚟，所以麻煩大家swipe晒呢18張相，唔好嘥咗佢哋嘅心血啊」。
唔少網民見到Fabi嘅靚相，留言大讚「身材好寶寶」、「Fabi好靚，我一定會看呢個節目支持你」、「又係度派福利，天宇同靖靖好幸福」，寓工作於旅行嘅Fabi，呢次唔單止食咗唔少美食、仲體驗行玻璃橋同養生溫泉，相信Fabi好享受呢次嘅拍攝之旅呀。
