何廣沛自2023年初被爆與朱晨麗6年緋聞情告終，其後被踢爆與圈外美女公關Sarah蜜運中，何廣沛亦大方承認與Sarah嘅戀情，37歲何廣沛今日喺社交平台貼出二人深情對望嘅甜蜜合照，更開心公佈求婚成功！
何廣沛今日喺IG貼出二人拖手相，見身穿白色恤衫嘅何廣沛，拖實女友Sarah，而身穿靚靚白色lace貼身長裙嘅Sarah，戴上求婚鑽石戒指，流露待嫁新婚子嘅幸福笑容。何廣沛開心表示：「💍 She said YES！ 相信一見鍾情的浪漫嗎，而你卻讓我領悟到『未見鍾情』的存在，還記得那張不太清晰，但讓我深深吸引着的照片嗎？」
何廣沛指跟未婚妻Sarah從相遇、相識、相約、相戀、相處、相愛，彼此共同經歷嘅一切，隨住時間推移，身份都期待着變化，「My best friend, soulmate and the love of my life」，字裡行間完全感受到何廣沛非常珍惜跟Sarah嘅感情，難怪趕住封盤，迎娶Sarah啦！
何廣沛一向人緣不錯，圈中好友高海寧、游嘉欣、岑麗香、許文軒、袁偉豪、連詩雅、周志康、龔嘉欣、JW、區永權、楊潮凱、陳浚霆、吳業坤、林盛斌、陳敏之、郭柏妍、賴彥妤等見post得知喜訊，紛紛留言送上祝福。
何廣沛入行多年，曾經承認跟同為2012年藝員訓練班嘅同學周梓盈拍拖，兩人感情維持五年，喺2017年分手。同年跟朱晨麗因合作劇集《超時空男臣》而傳出緋聞，兩人未有否認戀情，但不時互相隔空放閃。直至2023年3月，廣沛被發現單方面取消關注女方社交賬戶兼默認分手。半年後，廣沛跟Sarah戀情曝光，承認穩定發展中。
