姚焯菲美國升學前獲小菲象厚愛 實施三連擊多區應援力推新作

姚焯菲Chantel有份參與作曲嘅新作《KMC》推出短短日子反應叫好，一班小菲象好鍾意小公主呢首歌嘅曲風同型格路線，今次新歌MV更增添男女談情說愛嘅畫面，令觀賞度大增。

新作推出冇耐，近日就流出Chantel升學新動向，佢喺歌迷會聚會上率先宣布考入美國著名學府，攻讀4年嘅Music Business課程，成為多位國際知名巨星學妹。有指九月底Chantel就會出發到美國升學，而Chantel向即將暫別處境劇《愛‧回家之開心速遞》，一眾劇中親戚大感不捨。

可能知道偶像快將要出發升學，Chantel一眾歌迷加緊力度為小公主宣傳，把握時機喺Chantel臨別前送上一份大禮，Chantel嘅專屬歌迷會喺8月7號出Po，宣布連串《KMC》宣傳三連擊，將會喺8月8日起，分別喺灣仔電車站設大型應援廣告，於九龍區設五個巴士燈箱宣傳，再喺旺角鬧巿有電子屏幕廣告，力推Chantel嘅新作，相信粉絲們都好期待會喺打卡時，偶遇到Chantel出現。