陳茵媺 同 陳豪 結婚12年，仍然係好似熱戀般甜蜜。日前Amiee就同老公以及三個小朋友一家五口返老家加拿大放暑假，享受天倫之樂，Amiee連日嚟都有喺社交平台分享佢哋遊山玩水嘅開心時刻，不過，開心嘅時間過得特別快，阿Mo要先行返香港開工啦。
呢10日以來一直有阿Mo貼心照顧，做保鑣兼做柴可夫司機，又可以一齊分擔照顧三隻化骨龍，一家五口過咗咁多溫馨嘅moment, 而家阿Mo要先行返香港，Amiee當然好唔捨得啦，佢仲話好多以前從來無同小朋友冒險過嘅地方，呢次因為有老公喺身邊而變得更美麗，仲話「already missing you,see you back in HK soon」。
之後Amiee再post咗一條阿Mo入油嘅片段，並再次寫道：「miss uuuuuuuuuuuuuuuuuuuuuuuuu!!!」用咗一個心碎嘅emoji ，睇嚟Amiee掛住阿Mo掛到心都碎埋喇。
除咗阿Mo之外，Amiee嘅三個小朋友亦分享去咗兩個唔同嘅營地參加夏令營，而且兩地仲相隔幾遠添，Amiee亦終於可以約好友知己享受寧靜嘅Me time呀。