一向非常孝順嘅 陳法蓉 ，一直未婚專心照料年邁嘅父親，兩父女更經常一齊結伴旅行，好似去年Monica就同爸爸去咗台灣旅行，而今年新春期間，佢哋又一齊遊中東阿布達比，父女留下唔少美好回憶。
日前Monica又趁空檔同爸爸以及好友去咗韓國旅行，陳爸爸雖然已經89歲高齡，更要手持拐杖出遊，但係見佢精神非常好，同Monica遊走多個著名景點兼網紅打卡熱點，佢哋仲一齊去海邊品嚐海鮮，兼嘆網紅小店排骨煲。
Monica更寫道:「出門考察世界，世界這本書我們又多讀了兩頁」、「吃吃喝喝玩玩樂樂開開心心」。睇嚟呢次嘅旅程，佢哋兩父女都玩得好盡興。
