由前韓國國民男團God成員尹啟相、林世美、金曜漢主演嘅青春喜劇，呢日舉行記招，一眾主演連同導演出席造勢。
尹啟相一向出演嘅角色都係型男、穩重嘅男主角，呢次喺劇中飾演經歷低谷，再重拾對運動熱誠嘅熱血教練，同一班熱愛欖球嘅年輕人上演笑中有淚嘅故事。佢話會一改以往演戲嘅風格，務求帶更多新鮮感俾觀眾。不過演呢個角色壓力都唔少，事關角色喺劇中非常重要，既要帶領團隊，又要帶領大家成長，所以點樣可以令整個過程唔乏味？要點樣去演繹？都係佢苦惱嘅地方。
尹啟相又話佢喺演技上，一直都想演得真實一啲，但係接到呢個角色時，就想將幽默嘅地方放大，希望演得更自然。
作為前國民男團嘅C位，尹啟相風靡唔少圈內女神，林世美都唔例外，佢就自爆自己係God粉絲，尤其特別傾慕尹啟相，呢次有機會同自己嘅男神搭檔，林世美梗係9秒9答應演出啦。