泰國通 胡慧冲 再次主持新一輯《沖遊泰國11》，今次再次揾嚟波波 黃靖靈 搭擋….呀﹗應該係叫冬波玉先啱，Roger喺社交平台po文指《冲遊泰國11》喺日前正式開拍，今集繼續會為大家搜羅泰國食、玩、買嘅最新情報，佢仲介紹今輯新主持「冬波玉」。至於點解波波會突然改名叫冬波玉？就真係要問下Roger先知喇。
Roger上載多張工作花絮照，又幽默表示「連續十天外景希望之後我也可以繼續健步如飛吧。」唔少冲哥嘅粉絲都留言表示好期待，Roger表示如無意外，11月應該可以同觀眾見面啊。
而曾經獲Roger邀請參與拍攝《冲遊泰國》嘅中泰混血兒 鄺玲玲 絕對係一個多棲人才，近日推出同Orm再次合作嘅新劇《Only You》大收，玲玲除咗係演員、模特兒、節目主持人之外，仲開設自家服裝品牌，人氣高企。
而因為佢細佬之前喺翟道翟賣叉燒，Lingling亦有叉燒姐之稱，最近佢仲同胞弟一齊開設港式燒蠟舖，舖頭一開張唔駛半個鐘訂單已經爆賣，Lingling嘅號召力真係相當驚人呀。
