黃翠如 同 蕭正楠 年初誕下囝囝「蕭哈哈」之後，兩口子夾手夾腳一齊湊仔，日前阿蕭就喺強調「真係好好好唔捨得」下，孖住 黎耀祥 同 曹永廉 飛到澳洲拍攝旅遊節目《他們的澳洲駕期》。
而同哈哈獨留家中嘅翠如，就抱住囝囝發帖文表牽情緒話：「六年前嘅今日，我喺澳洲拍節目活著Viva ，佢喺屋企凌亂咁將啲隔夜Pizza塞入口。六年後嘅今日，我身上面長時間掛住咗一隻樹熊，佢去返同一個地方拍節目活著Viva。人生」。
言下之意盡現一句「有啲嘢係要還」。不過翠如能夠獨霸哈哈，總比老公阿蕭六年前只有件隔夜Pizza好。阿蕭再次孖住老友拍旅遊節目，心情當然興奮，佢仲喺社交平台明言三次「真係好好好唔捨得」，佢仲叫大家見證佢嘅係強顏歡笑，又寄語寶貝仔哈哈要好好照顧媽me（媽咪同自己），記得三餐比飽飯媽咪食同千祈唔好餓親媽咪。
