有「御用丫鬟」之稱嘅 陳思齊 2000年參選港姐入行，當年曾被封為「翻版朱玲玲」。離開TVB後近年淡出娛樂圈兼將工作重心移到內地，佢又加入 蔡淇俊 嘅直播團隊，邊擺攤賣雞腳邊經營自媒體帳號，不時喺社交平台分享生活。
最近 陳思齊 就以「家家有本難唸的經」為題，自揭曾經被好友呃走畢生積蓄，佢喺片中提到，演員收入唔高，多年只有微薄積蓄，卻因錯信朋友全數被騙：「我借咗積蓄畀朋友應急，最後一去冇回頭，連朋友都唔見。」
呢場騙局更令佢經濟陷入困境，做嘢做到引發免疫系統失調，面頰和雙腿生滿紅疹，佢仲公開咗當時嘅病況相，表示：「瘦到得返70幾80磅，全身上下仲要冇乜忽好肉。」真係睇到都覺得心酸。
