吳業坤 近年成為斜槓族，唔只係歌手同演員，仲成為空手道港隊成員。近日佢又再多一個新身份，就係健身室老闆喇！坤哥就話自己多年前開紅館騷前要臨急抱佛腳修身減肥，所以就認識咗而家一齊開健身室嘅拍檔，過咗十年，決定由用家升級做老闆。
不過講到之後會唔會再做埋教練，坤哥就話自己都想，但要再練好啲先，而佢平時都會同太太一齊做運動培養感情。
其實坤哥開健身室自己都受惠，事關佢喺內地拍攝《新聞女王2》時肥咗唔少，令佢連開騷都唔敢除衫，所以令佢覺得身材管理好重要！至於未來想再發展邊方面事業，坤哥就話好希望可以同自己嘅空手道教練開道場啊！
