黃子華喺演藝圈嘅成就，單憑佢被封為「子華神」就已經唔使再多問，不論喺楝篤笑、電視劇集，甚至近年兩破香港史上最高票房華語電影紀錄，以及與劉嘉玲合演嘅舞台劇都係叫好叫座。
但子華神多年嚟都保持「神」與「人」之間嘅距離，絕少談及感情事與家事，只曾喺訪問中承認童年過得唔開心，因為父母離婚而變成人球，先後分別跟父母、祖母及外祖母住。更於Do姐鄭裕玲嘅訪問中透過自己曾經係邊青少年。
近日子華神年屆95歲嘅爸爸黃偉生，因為捐款1000元人民幣資助家鄉防蚊防疫，獲頒感謝狀表揚。黃父仲罕有接受家鄉三水當地傳媒訪問，當中更分享多張珍藏家庭舊照，佢話家中排第二嘅子華工作忙，甚少返家鄉。
對於黃父嘅事跡，喺查小欣曾經為雞記麻雀館老闆「鷄叔」林國強撰寫傳記中，鷄叔就提過黃父係經營電器生意，唔只同四大探長有交情，仲兼且係香港第一位法拉利車主。鷄叔仲喺文中指黃父出手闊綽，喺60年代擺壽酒時，黃父封嘅人情足夠買一層四百多呢嘅單位。
