「講不出聲講不出聲～」相信唔少人單係睇頭一句就已經浮現出 細契關菊英 把聲，2018年拍完TVB經典劇《溏心風暴3》後，就淡出幕前享受退休生活，偶爾會喺圈中人嘅飯聚中，見到佢與同性密友 周偉利Willy 一同出席。
2
日前就有網民影到菊姐同Willy、陳淑芬、陳家豪等友人，一齊去到杭州睇謝霆鋒嘅演唱會。相中所見，雖然菊姐佢哋嘅位置距離舞台有好大段距離，不過佢都睇得相當投入，而同行嘅陳淑芬，就不時拍片，演唱會後仲剪咗條vlog上載到社交平台，同大家分享佢睇騷嘅心情。唔少網民見到久未喺公開場合露面嘅菊姐，都留言話好掛住佢嘅歌聲，仲有網民問佢會唔會考慮開返場紅館演唱會呀。
