大S徐熙媛今年2月初於東京旅行時病逝，經過老公具俊曄同徐家相量後，大S嘅骨灰於3月時候安葬於金寶山玫瑰園。不時都會有網民影到具俊曄伴坐於大S長眠之地，觀覺亡妻生前嘅照片同影片，以解相思之苦。
圈中唔少藝人都相當不捨大S嘅離開，當中包括曾於經典劇《流星花園》中，與大S飾演螢幕情侶嘅言承旭。
喺颱風楊柳離開台灣後，全身黑色裝留有鬚根嘅言承旭，於13號中午時份，被傳媒拍到低調到墓園拜祭大S，在場仲有大S閨蜜賈永婕與丈夫王兆杰。言承旭喺墓前彎腰低頭細語，期間流下男兒淚，身旁嘅賈永婕輕拍佢嘅肩膀安慰。言承旭前後逗留約13分鐘，便依依不捨離開，並獨自駕車前往餐廳食素食。
