今屆14位候選港姐佳麗，早前飛到馬來西亞檳城拍攝外景，精彩情況稍後就會於《港姐最美任務在檳城》播出，各位靚女以沙灘裝接受各種任務挑戰，大騷青春夏日氣息之餘，仲由攝影師為佢哋影低至靚一刻。
而嘉賓 袁偉豪 同 劉佩玥 亦有參與，同各位佳麗一齊到當地唔同景點參觀，其中一站就係知名嘅升旗山喇。以纜車登山之後，仲要跨過位處金谷之上嘅觀景橋，雖然景色夠晒壯麗，不過如果畏高就真係腳都軟呀。
其中 7號施宇琪 12號庄靜璟 同 14號何詠多 就要以意志同恐慌角力，仲爆料原來事前問卷就係要考佳麗膽識，Alison仲連聲都好似有少少震咁呀。相對畏高嘅佳麗，其他成員就相對可以享受眼前美景喇， 9號陳詠詩 11號梁倩萱 仲有 13號袁文靜 都怡然自得呀。
阿Ben見大家長途跋涉去到山頂，於是就出手為大家調配飲品 6號朱文慧 同 9號陳詠詩 就排到個靚位等飲靚咖啡喇。
《港姐最美任務在檳城》星期六晚 20:00 翡翠台