「文青女神」 袁澧林 以大使身份現身「夏日國際電影節」為開幕電影揭幕。Angela早前喺台灣投入新戲拍攝，日前終於開心宣布新片煞科，更喺社交平台分享喺當地生活點滴，仲話：「I’m back!終於殺青了，嚴重想念港式雲南米線！」不過Angela喺文中提到「壯烈獲得了在台中縫針的奇遇」，更附上傷勢照片，雖然已經做咗處理，但仍然觸目驚心，令大家都問佢係點樣整親。
Angela喺活動都有講返自己受傷經過，佢就話係拍攝一場掙扎戲時發生，雖然劇組做足安全措施，但喺最後唔小心壓到玻璃割傷。Angela就話事情係喺3個星期前發生，而家已經好返，呢次亦係自己第一次拍戲整親，所以都覺得幾型。
Angela同 許光漢 主演嘅愛情奇幻電影即將喺10月上映，光漢月底仲會嚟香港宣傳，呢個活動仲係光漢退伍後首個公開活動。
Angela喺台灣都有同光漢相聚，佢仲話光漢分享軍中趣事，包括初入伍時新兵要得到軍官尤許先可以用一小時手機、牙刷要向同一方向擺放，呢啲事都令Angela覺得好有趣。光漢雖然都有唔少「老婆」，但Angela同男神拍愛情戲唔覺緊張，仲話拍攝時大家非常投入，大家都拍到體力用盡。
