方力申 老婆 葉萱(Maple) 曾以攝理教性侵倖存者身份，於串流影片媒體製作嘅紀錄片《以神之名：信仰的背叛》中，披露自己曾被韓國攝理教教主鄭明析性侵嘅經歷，影片播出後引起唔少討論。相隔兩年後，該串流影片媒體再製作《以倖存者之名：深入韓國慘案》，並再度邀請葉萱出鏡受訪。
片中葉萱坦言自己曾後悔過參加《以神之名：信仰的背叛》呢套紀錄片，佢話從未冇諗過承認自己受者，將事件公諸於世，會引嚟咁多批評同謾罵，更因為咁一度要戴口罩出街，擔心因人認出，甚至產生輕生念頭。
作為第一位挺身而出指證嘅受害人，葉萱受到唔少質疑，更有唔少網民留下惡評，指葉萱太笨先會加入邪教，又有人覺得佢係想紅先會答應出鏡受訪；亦有人話佢肯出庭提告，係因為收咗金度亨教授嘅錢，甚至有網民因此指控佢私生活混亂。葉萱指如果只有佢自己一個受苦，佢仲可以接受，覺得忍忍就冇事，但因為咁而影響到家人，連累佢哋一齊受苦，就令葉萱相當難受內疚。
可幸嘅係，當葉萱勇敢企出嚟後，陸續有受害人加入訴訟。葉萱喺今輯節目中，更提到鄭明析侵犯自己嘅錄音，於上輯節目播出嘅只係一小段，佢指整段錄音有更噁心更骯髒嘅內容。本輯紀錄片中，葉萱嘅爸爸、姨媽等親友都有現身接受訪問，佢哋均指責葉萱於訴訟時遇到嘅不公對待。
隨住鄭明析性侵案今年初於韓國判決後，葉萱亦終於放下，喺節目尾聲製作組播出方力申於今年2月喺洛杉磯海灘向葉萱求婚及就地婚禮嘅畫面。製作組以字幕表示「最後，葉萱活下來了。也重新找回屬於她的平凡幸福，與那位在最艱難時刻守護她的男人相伴餘生。」而葉萱亦留下一段話：「致所有與我經歷同樣傷痛的女性，加油，我們一起撐住。」