曾於訪問中表示，自己靠廣東歌度過人生最黑暗時光嘅李金凱，18號推出粵語單曲《不會愛的人》，呢首歌除咗係佢同音樂人張家誠共同創作外，仲邀請咗與Beyond樂隊合作無數嘅劉卓輝填詞。
金凱表示呢首歌係向80年代嘅粵語流行曲作深情致敬：「那時期的音樂作品不僅影響遍及東南亞及全球華人地區，陪伴我度過了童年，並幫助我克服一切艱苦經歷，人生低谷。」而呢個亦係佢作曲時嘅靈感來源。
至於將喺20號首播嘅《不會愛的人》MV，故事講述男主角失去最愛而深感遺憾及缺失，喺MV入面金凱仲會同女主角有好多甜蜜溫馨片段。