G.E.M 鄧紫琪 近日於啟德舉行5場演出，預計先後會有20萬人次入場欣賞，而事隔8年再於香港開騷嘅佢，吸引大批歌迷入場之外，亦有唔少圈中人捧場，好似 王君馨 就同老公再約埋老友 蔡思貝 顏卓靈 入場，更High爆分享現場情況。
星期六第2場演出撞正G.E.M.嘅34歲生日，佢於現場就提到見大家玩人浪開心到不得了，自己猶如重返「3+4歲」一樣，仲話要加入同大家齊齊玩，之後全場4萬觀眾更一齊為佢唱生日歌，場面夠晒壯觀。
完場後Grace仲入到後台，同工作人員一齊為G.E.M.慶祝，之後佢仲向壽星女送上香吻祝賀。
