有《中聲3》人氣王之稱嘅 張與辰 終於喺香港展開首次個人演唱會，呢日唔止大批Fans落力支持，拉姑 陳淑芬 陳友 等亦有現身台下觀眾席，而中聲家族成員 肥媽 張佳添 仲有多位戰友亦有捧場。
Vic呢晚唱嘅不論係比賽時曾演出嘅歌曲，定係首次為大家表演嘅作品，都經過重新編曲，呢晚更邀請 周吉佩 一齊演出，再次合作演出《光輝歲月》，加上一黑一白打扮對比更加強烈。呢晚Vic為大家自彈自唱之餘，再吸引目光嘅相信就係一連17分鐘嘅跳唱，仲去到台下為觀眾超近距離演出，連跳4首歌黾Vic都話係極大挑戰。
整晚最感人一幕，相信就係Vic同媽媽一齊於台上演出喇，盡顯遺傳媽媽嘅好聲音，佢仲話媽咪為養育自己放棄歌手夢想，而自己長大出道後，就許諾每次開騷都一定會邀請媽咪做嘉賓，一齊享受舞台。
