14位《2025香港小姐競選》佳麗正式面對市民，到一個商場才藝演出，唔少親友帶埋應援牌支持。今屆佳麗唔止學歷高，才藝方面都充滿可看性，好似彈琴、彈古箏、唱歌、寫書法等，其中3號蔡華英同9號陳詠詩，佢地嘅超高難度舞步，睇到在場觀眾嘩嘩聲，連到現場支持四位師妹嘅劉穎鏇、宋宛穎、梁凱晴同莊子璇都忍唔住大讚。
Sabrina讚佳麗充分運用成個舞台，令表演更加精彩；Hilary同Carina不約而同對3號蔡華英嘅舞蹈演出讚不絕口；Tiffany就大讚佳麗身型keep得好好，瘦得來都有啲肌肉線條。
經過在場嘅觀眾投票，1號李尹媽、2號甘詠寧、9號陳詠詩、10號文雅儀同11號梁倩萱成為票數最高五強，最終由9號同10號獲得「現場觀眾最喜愛佳麗」奬。9號陳詠詩係前藝術體操港隊成員，佢話自己用咗幾個星期準備今次嘅才藝表演，可以得到觀眾認同特別開心。10號文雅儀就話好開心可以憑太極得獎，因為太極係自己好鍾意嘅運動。
