陳山聰 日前喺澳門舉行入行30周年紀念音樂會，喺自己嘅成長地開騷，山聰都覺得既親切又有意義，佢仲特別請到身為澳門歌手嘅侄女Amanda同蔡潔擔任嘉賓。
Jacky同山聰雖然未有機會合作拍劇，但係呢次就有機會合唱《你最珍貴》，估唔到非常合拍，山聰更大讚Jacky唱得好好，期待佢都快啲開騷。
山聰又同囝囝以父子裝上台合唱，5歲嘅Jaco唔單止無怯場，仲主動要求獨唱《愛在記憶中找你》，搏得全場掌聲，之後山聰更同囝囝一齊合唱《單車》，提起已故嘅爸爸，山聰都忍唔住落淚，Jaco都好乖即刻向爸爸遞上紙巾，場面感人。
