羅家英之前接受訪問時，因為大嘴巴亂咁講嘢，搞到一向EQ好高嘅阿姐汪明荃都嬲到紥紥跳，仲話已經鬧咗家英哥！
知衰嘅家英哥，似乎好快就成功拆彈，呢日見佢係社交平台上載咗幾張同阿姐撐枱腳食串燒嘅相片，家英哥更鬼馬咁喺照片上寫上「雨中漫步，串燒，多好的生活素質，今日我埋單」，字裡行間都感受到家英哥有幾開心同enjoy呀。不過就有網民留言溫馨提示家英哥：「影到阿姐咁，又準備比（畀）阿姐鬧。」睇嚟家英哥要好好練下影相技巧先得啦。下星期就係阿姐78歲生日啦，唔知家英哥又準備點同阿姐慶祝呢？
羅家英拆彈成功氹掂阿姐 兩人雨中漫步食串燒
