郭富城、梁詠琪、鮑起靜同許恩怡等，呢日出席主演電影嘅慈善首映禮，張達明、伍允龍、劉洋同李金凱亦有現身撐場。
戲中飾演不負責任爸爸嘅城城，都希望藉住電影帶出「活在當下、珍惜眼前人」嘅訊息。呢次城城係第三次同鮑起靜飾演母子，戲中兩人有唔少對手戲外，當中不乏吵架戲份，城城話好開心可以再同鮑姐合作，坦言呢次過足戲癮。而喺拍攝過程中，城城都勾起唔少昔日同媽媽相處嘅點滴。
城城表示電影嘅劇情會有唔少催淚位，佢溫馨提示大家要帶定手巾入場，至於GiGi話自己為咗投入拋夫棄女嘅角色，開拍前都刻意抽離現實中幸福嘅生活。
