陀住第三胎嘅郭富城太太方媛（Moka），雖然不時都會因為孕期反應而感到不適，但佢仍然識享受生活，更會喺社交平台分享日常點滴，即使腹大便便，亦都會帶住兩個女暢遊度假。
近日Moka就喺網上分享母女三人嘅連串度假相，配文寫上：「就是去哪都帶著你們，抓住假期的小尾巴。」從相中可見，身穿長裙嘅Moka好識遮肚，雖然佢曾經喺網上講過自己孕期時狀態唔多好，但而家睇落其實都冇咩「媽味」，反而仲好似少女樣。而一對女兒就著姊妹裝，三人一齊行街、餵魚，每張相都洋溢著幸福氣氛，亦被網民大讚「畫面好有治癒感。」
方媛陀第三胎體態仍似少女 連環出相曬母女溫馨時光
