唱作歌手 林家謙 近日正於紅館舉行10場《White Summer》個人演唱會，不過星期五晚一場就發生意外，有舞蹈員由舞台自升降台墮下，令全場一片嘩然，幸最後完全未有受傷。
據現場影片可見，年輕舞者Eric事發時正於台上為觀眾落力演出，不過期間未有為意自己站於升降台附近，當佢向後退到升降台中央位時置，升降台突然下降，佢亦隨即下墜。
演出完成後工作人員搵到當事人Eric，佢亦親自講解當時情況，仲指自己毫髮無傷，今晚會繼續為大家演出咁話。
意外令人回想起2022年嘅紅館舞台意外，重傷者 阿Mo 李啟言 目前仍於外地留醫，雖然據報情況逐步改善，但康復之路仍然遙遠。
當年MIRROR演唱會意外後，家謙就緊接於紅館展開《SUMMER BLUES》演出，亦因各界當時都對凌空吊起嘅重型擺設道具非常重視，故當年嘅大型眼鏡擺設，亦作出改動擺放於舞台上。而今次《White Summer》個唱，業界亦指出係自2022年事故37個月來，再有巨型器械嘅演出。
