香港娛樂圈之中，有一段恆久不變嘅姊妹情叫做「七魔女」， 佘詩曼 湯盈盈 梁靖琪 文頌嫻 姚樂怡 鍾麗淇 同 周家蔚 識於微時仲建立起深厚友誼，即使多年來大家各自兼顧事業同家庭，仍無阻「七魔女」間嘅友誼。
「七魔女」趁住暑假兼且阿佘忙完兩套重頭劇《正義女神Themis》同《新聞女王2》拍攝之後，七姊妹就再一次約埋去旅行叉吓電，可惜今次閨蜜之旅獨欠文頌嫻。阿佘同家蔚都先後喺社交平台分享開心旅行相，阿佘仲悉心分享埋舊年閨蜜嘅旅行相，而兩張相仲要表情同甫士都係相同，再寫上「今年。去年。期待明年！」家蔚亦深情寫上希望大家友誼天長地久。
