內地影星范冰冰近年喺演藝事業雖然近乎零作品，但係佢嘅美容事業發展得唔錯，有傳去年旗下美妝品牌營收高達14.5億人民幣，冰冰日前悉心打扮，手戴15卡鑽戒貴氣亮相吉隆坡，出席自己品牌嘅活動。
原來冰冰呢次大馬之行仲一個重要行程，去年擔任「2024年馬六甲旅遊年親善大使」嘅佢，帶動當地旅遊成績驚人，中國旅客增長224%，相關話題點擊量突破15億。為表揚冰冰喺旅遊樂嘅貢獻，獲馬六甲州政府授予「名譽拿督」勛銜，係當地授予外藉人士最高榮譽，仲係首位獲呢個殊榮嘅內地藝人。
冰冰著上由馬來西亞Melinda Looi設計師操刀嘅當地傳統服裝出席儀式外﹐打份得端裝優雅，喺馬六甲州元首莫哈末阿里主持下完成冊封禮，冰冰除咗喺自己嘅微博度貼出美照大晒造型外，亦有喺前一日嘅活動上向傳媒分享授封「名譽拿督」嘅感受，佢直認感覺好幸運:「當下真的覺得嘩，好幸運！」
