林家謙紅館演唱會嚟到第四場，呢晚嘅嘉賓係家謙嘅自肥系列，佢同Stephy鄧麗欣喺台上大禮物盒中登場，合唱《十分愛》。演繹完之後，家謙難掩興奮之情，對於Stephy話：「多謝你，我願望成真啦，我有個夢想就係可以同你唱《十分愛》呀。」Stephy好奇追問：「你之前提到細個嗰陣，細個係咩？依家講下... ...」家謙話：「我細個唱K成日唱呢首歌囉，以前只係同聽單聲道版本合唱，今日終於同『行走』的單聲道合唱！」當Stephy笑問係幾歲時，家謙話：「六歲就渴望愛情呀，哈哈哈，冇咁細，我唔係 MC（張天賦）。」
Stephy亦親自多謝家謙早前為佢寫歌：「好開心收到家謙為我創作嘅《戲一場》，幫我寫呢首歌，佢唔單只出嚟同我傾計，又細心問我想要啲咩，又好快就寫好，個demo版本已經好好聽，我成日係屋企J首Demo ，依家都喺我個playlist到。」家謙聞言受寵若驚話：「吓...stephy J 我嗰啲... ...嘩。可以寫上 Wikipedia，比Stephy J我啲歌 」Stephy期待以後兩人多多合作，家謙爽快答應，仲話唱合唱歌都可以。
二人再合唱《心急人上》，旋即將紅館變成大型卡拉OK現場。林家謙話：「呢首都係我童年回憶，以前同表姐們喺K房，一定會閂燈跳唱呢首歌。今日表姐佢哋都有嚟，叫埋佢哋一齊跳，哈哈.....」Stephy笑言：「我今日就係想睇你跳舞！上次你紅館演唱會，我有嚟睇，你啲舞蹈，真係睇到我”嘩嘩"聲，哈哈哈。」
