選美盛事《2025香港小姐競選決賽》，今個星期日晚就會舉行（31 日）晚 8 點翡翠台現場直播。 14位候選佳麗最新宣傳片星期一正式公開，而決賽將由 錢嘉樂 麥美恩 阮兆祥 以及近日憑熱播戀愛綜藝《女神配對計劃》人氣急升嘅「超甜CP」曾展望 同 葉蒨文 擔任司儀。
至於嘉賓陣容亦非常鼎盛 張敬軒 衛蘭 同 李治廷 將助陣演唱，而1982年香港小姐亞軍「大師姐」 鄺美雲 亦會華麗登場。《女神》「超甜CP」GM同Sophie就會以特別嘉賓身份「放閃」炒熱氣氛。
14位佳麗當晚會於決賽中將上演連場Fashion Show展現醉人美態；而最新宣傳片可見，各位佳麗狀態大勇，熱門人選 7號施宇琪 同 12號庄靜璟 穿上華麗晚裝後，驕人身段更表露無遺。
香港小姐競選官方社交平台，亦上載14位佳麗嘅「即興跳舞挑戰」短片，其中熱門 9號陳詠詩於片段中大晒超強韌踢腿，手瓜老鼠仔肌肉線條亦相當驚人。而 11號梁倩萱 同 13號袁文靜 分別憑貓咪手同「舞動馬尾」成功搶鏡，充滿青春活力。
《2025香港小姐競選決賽》星期日晚 20:00 翡翠台現場直播