實力派歌手呂方於1983年參加第二屆新秀歌唱大賽奪冠後入行，2020年佢跟年輕16年嘅圈外人伍惠寶（Rainbow）結婚，同年8月誕下女兒Emma，呂方不時喺內地登台出騷，好友劉培基噚晚喺社交平台貼出合照，相中見杜德偉（Alex）同呂方等約埋開心聚舊。
杜德偉與呂方同係樂壇唱得之人，更曾合作拍TVB劇集《反斗威龍》，二人老友鬼鬼，呢日見佢哋一齊喺尖沙咀一間餐廳食Omakase，小酌幾杯顯得有啲醉意。網民見佢哋再聚，即勾起集體回憶，笑指杜德偉與呂方當年拍住梁家仁一齊放笑彈，記得三人喺《反斗威龍》演出確係勁抵死好笑。
而好友劉培基對多年友情亦有好大感觸：「人有千面，心有千變。日久見人心，時間不語，卻回答了所有問題，歲月無言，卻見證了所有真情假意。人與人之間的緣分，敬於才華合於性格，久於善良，忠於人品，朋友不在多少，真心就好，感情長久貴在真誠 彼此珍惜❤」
