關嘉敏（Carman）因參加《女神配對計劃》後人氣急升，8月24號係Carman三十一歲生日，佢生日前夕特登悉心打扮，跟粉絲一齊開派對，粉絲準備咗幾個唔同造型嘅蛋糕，其中一個蛋糕上面仲有愛犬Two Two公仔擺設。
Carman感謝粉絲一直以嚟嘅支持，佢希望fans club越嚟越大，生日會再搞大啲。Carman透露已收到求愛勇者祝賀短訊，佢為咗唔想場面太混亂，已拒絕求愛勇者前嚟，遲啲先同女神及求愛勇者一齊食餐飯慶祝。
Carman多謝《女神配對計劃》帶嚟好多工作機會，喺節目展露真性情亦大獲好評，關媽媽對於佢太男仔頭，擔心多過開心，不過父母對求愛勇者嘅意見兩極化，一個鍾意「星二代」姜卓文（細John）、一個鍾意i-banker黃家俊（Matthew），Carman爆父母成日喺度討論。此外，Carman亦貼心準備蛋糕為TVB娛樂新聞台主播潘盈慧慶祝生日，令潘盈慧覺得好驚喜！
