梁家輝大女梁穎晨（Chloe）去年9月誕下小公主，細女梁靜曦（Nikkie）今年4月誕混血囝囝Thibeaux，梁家輝榮升外公享兒孫福，細女Nikkie生B後一直未有曬阿仔正面相，日前終於社交平台貼出多張阿仔嘅可愛近照！
67歲影帝梁家輝與老婆江嘉年結婚30幾年仍恩愛如昔，二人育有一對孖女Chloe及細女Nikkie，阿女先後覓得如意郎君，一年內兩度嫁女，梁家輝除咗忙於開工拍戲，閒時弄孫為樂。
Nikkie喺社交平台曬出公孫嘅合照，見梁家輝外孫Thibeaux四個月大，已經勁靚仔，仲十分精靈可愛，梁家輝撩個孫仔玩嗰陣，仲笑到見牙唔見眼。兩公孫深情對望嗰陣，真係整個心都被融化！
