新劇《俠醫》以現實中一間慈善醫館作為藍本，當中有真人真事改編情節，故事主人翁現實嘅醫館收咗各式各樣嘅患者，劇中亦有描寫唔少特別病患嘅故事。
譚凱琪Zoie 飾演自閉症患者，Zoie當初收到呢個重任時都擔心拿捏唔到，坦言未開拍前好大壓力，又驚自己做唔到，太誇張又唔得，但太少又怕突顯唔到，一度令Zoie覺得喺演藝路上好有挫敗感，質疑自己是否適合演戲，甚至覺得所有嘢要重新開始，唔識點做好。直至真正開拍時，因為有對手融入家庭交流，先令佢慢慢上手。
劇集主角陳豪Mosses嘅妹妹亦患上罕見嘅多發性硬化症，首次挑戰演特殊病患嘅郭柏姸Rosita感到好大挑戰，幸好佢同阿Mo幾年前曾合作《白色強人II》，當時亦係Rosita首次拍劇，得到阿Mo前輩指點，如今兩人再度碰頭演兄妹，Rosita希望演技各樣令阿Mo覺得佢有進步。
而游嘉欣飾演一位患有腦癱嘅患者，要長時間坐喺輪椅上演戲，好多動作都有局限，角色比想像中更難。
