王君馨（Grace）今年5月大曬一家三口合照，宣布女兒Audrey Chang順利出世，日前佢為愛女舉行百日宴，李亞男、岑麗香、衛蘭、衛詩、鍾舒漫及鍾舒祺等好友出席，王君馨好感謝一眾親友嘅愛，指任何言語都無法表達佢對大家嘅愛，感激大家陪佢走過呢段瘋狂嘅旅程，尤其係媽媽群組，喺佢夜不能寐、哭個不停、乳腺堵塞、無數疑問湧上心頭嘅時候，佢感謝大家給予建議。
王君馨記得抱住女兒Audrey喺懷裡，第一次望住阿女嘅眼睛，令初為人母嘅王君馨感受到無盡嘅愛，對身為媽媽嘅佢充滿好奇，王君馨又指湊阿女Audrey嘅時間過得好快，佢更特別感謝Audrey契媽，感激對方傾注所有嘅愛及時間。
而王君馨解釋阿女百日宴以甜蜜咖啡店為主題，係因為佢同老公20年前喺紐約一間咖啡店墜入愛河，如今佢哋迎來珍貴嘅女兒，佢哋都想揀呢個主題，同時準備咗美味嘅派對及特飲，王君馨話回頭當日照片，佢腦海同嘴裡留下甜蜜香氣，佢迫不及待等Audrey長大後一齊再睇啲照片。
