楊茜堯與羅子溢結婚9年，2020年誕下大女小珍珠，翌年誕下兒子Eden，二人結婚多年一直非常恩愛，茜堯嚟緊忙於拍TVB重頭劇《玫瑰戰爭》，不過就算再忙碌，佢都記得同老公子溢慶祝生日，今日係子溢41歲生日正日，茜堯早前抽時間同子溢享受久違嘅二人世界。
茜堯今日喺社交平台大曬拍拖嘅甜蜜畫面，見茜堯玩鞦韆嗰陣停唔到，子溢即攬住老婆纖腰，二人又大嘆美食，茜堯仲買咗盲盒，開盒時非常失望，原來佢抽中兩個同款，更向老公子溢撒嬌問：「唔係話唔會重複咩？」二人大曬恩愛，子溢更sweet爆留言：「生日快樂😍😍身體健康😊😊又大一歲了，祝我倆繼續開開心心。」真係羨煞旁人！
