王鎮泉 Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。
郭富城 許恩怡 同 導演孔令政 上到嚟同大家講下新片《無名指》，講到當初點解會拍呢套電影，孔導就表示自己喺疫情時經歷咗人生嘅低谷，一直想搵一個人物去鼓勵返自己，繼續行創作嘅路，直到畀佢搵到「鄧辭」— 一個患有罕見病嘅少女，靠住一根手指，去挽回一個破碎嘅家庭，同時繼續走自己嘅路，孔導指呢樣嘢係好值得學習。
為咗呢齣電影，孔導表示佢哋搵咗一班患有罕見病嘅朋友，除咗同佢哋傾偈外，亦會同患者嘅家人溝通，了解佢哋平時喺屋企係點同家人溝通。
本周電影新片速遞：
《衰鬼媽咪2》
黛絲同安娜兩母女經歷過靈魂對調後，轉眼廿年，安娜已經升格為人母，本身有個乖女之外，更加結婚在即，迎來多一名繼女。正當大家為家事忙亂之際，三代母女竟然再一次互相上錯身、靈魂兜亂再兜亂！
《東極島》
改編自二次大戰中國漁民冒死營救英國戰俘事蹟。1942年，喺舟山附近海域，一艘載滿英軍戰俘嘅日本貨輪被擊沉，上千名英軍戰俘被日軍封鎖於船艙內。絕境之時，東極島上嘅一群漁民毅然前來，佢哋憑藉骨子裡嘅善良、野性與血性，喺驚濤駭浪中，為落難嘅戰俘打開一條生路。
《ENHYPEN VR CONCERT : IMMERSION》
眼前零厘米，透過VR技術，令歌迷喺沉浸盡頭遇見ENHYPEN，由巨大嘅辦公室、廢棄工廠、粉月同紅月共存嘅屋頂，喺不斷變幻嘅空間入面，歌迷將會邂逅前所未見ENHYPE嘅嶄新面貌。
喺電影《無名指》入面，許恩怡飾演郭富城嘅囡囡，佢讚呢位爸爸係一個好容易接觸同靠近嘅人，許恩怡表示由於當時自己係一名新人，所以感恩有呢位爸爸，對方喺現場嘅狀態令佢相當安心，同時亦多謝對方肯陪佢嘗試唔同嘅演繹方法。
今個星期票房龍虎榜第一位《「鬼滅之刃」無限城篇》、第二位《無名指》、第三位《電影多啦A夢：大雄之繪畫世界物語》
